Fergus Hall

Ayont the Caller Fountain

Whan gowks were in the schaw,

We gether'd the wild roses

That were sae white and sma';

And kent they süne wud fa'.

 

We gether'd the wild roses,

And heard on yon hillside

The burn rin to the water

That was baith deep and wide,

And taen it to the tide.

 

Whaur are the merry faces;

The herts that aince were dear?

Listen! there is a quiet

Steady ablow a' steer:

The sang we didna hear.

 

William Soutar (1898-1943)